မစ္စတာ မယ်လ်ဗင်ပန်

Melvyn Pun သည် ရိုးမလုပ်ငန်းစု၏ ဥက္ကဋ္ဌနှင့် အမှုဆောင်အရာရှိချုပ် အဖြစ် တာဝန်ထမ်းဆောင်လျက် ရှိပါသည်။ သူသည် မြန်မာနိုင်ငံ၏ စီးပွားရေးတိုးတက်မှုအတွက် အဓိကကျသော အခန်းကဏ္ဍမှ ပါဝင်လုပ်ကိုင်လျက်ရှိပြီး လုပ်ငန်းစု၏ မျှော်မှန်းချက်များကို ဦးဆောင်ကာ နိုင်ငံတော် ဖွံ့ဖြိုးတိုးတက်ရေးအတွက် အရေးပါသော စီးပွားရေး လုပ်ငန်းများစွာကို လုပ်ကိုင်လျက်ရှိသည်။

“ပြည်သူများအတွက် ပိုမိုကောင်းမွန်သော မြန်မာနိုင်ငံတစ်ခုကို တည်ဆောက်ရန်” ဆိုသည့် မျှော်မှန်းချက်ဖြင့် ရိုးမလုပ်ငန်းစုသည် အိမ်ခြံမြေလုပ်ငန်း၊ ဘဏ်လုပ်ငန်းနှင့် ကျန်းမာရေး စောင့်ရှောက်မှုလုပ်ငန်းစသည့် လုပ်ငန်းကဏ္ဍများတွင် ထိပ်တန်းလုပ်ငန်းစုအဖြစ် ရပ်တည်လျက်ရှိပါသည်။

လုပ်ငန်းစုသည် မြန်မာ့အိမ်ခြံမြေစျေးကွက်၏ အထင်ကရ ကုမ္ပဏီတစ်ခုအဖြစ် ရပ်တည်နိုင်ခဲ့ပြီး မြန်မာနိုင်ငံ၏ ယုံကြည်စိတ်ချရသော သက်တမ်းရှည်ကြာဆုံး ဘဏ်များအနက် တစ်ခုကိုလည်း ပိုင်ဆိုင် ထားပါသည်။ ထို့အပြင် မြန်မာနိုင်ငံ၏ အကြီးဆုံး မိုဘိုင်းငွေကြေး ဝန်ဆောင်မှု တစ်ခုဖြစ်သည့် Wave Money မှတစ်ဆင့် ငွေကြေးဝန်ဆောင်မှုများကို လွယ်ကူစွာ ရရှိစေရန် ဆောင်ရွက်လျက်ရှိပါသည်။

ကျန်းမာရေးစောင့်ရှောက်မှုကဏ္ဍတွင် ပန်းလှိုင်ဆေးရုံ၏ ဆေးရုံ၊ ဆေးခန်းများ မှတစ်ဆင့် အရည်အသွေးမြင့် ကျန်းမာရေးဝန်ဆောင်မှုများဖြင့် ဝန်ဆောင်မှုပေးလျက်ရှိသည်။ လုပ်ငန်းစုသည် KFC နှင့် YKKO ကဲ့သို့သော ကမ္ဘာ့အဆင့်မီ အမှတ်တံဆိပ်များကို ကိုယ်စားပြု လည်ပတ်နေပြီး မော်တော်ယာဉ်လုပ်ငန်းတွင်လည်း Mitsubishi Motors၊ Hino Motors၊ Volkswagen၊ Ducati နှင့် New Holland Tractors အပါအဝင် နာမည်ကြီးကားအမှတ်တံဆိပ်များ၏ တရားဝင် ဖြန့်ဖြူးရောင်းချသူအဖြစ်လည်း လုပ်ကိုင်လျက်ရှိသည်။ ဖောက်သည်များ၏ လုပ်ငန်းလိုအပ်ချက်များကို ဖြေရှင်းပေးနိုင်ရန် Yoma Fleet မှ ယာဉ်နှင့် စက်ပစ္စည်းများ ငှားရမ်း ရောင်းချခြင်းတို့ကိုလည်း လုပ်ကိုင်ရှိပါသည်။

Melvyn Pun ၏ မဟာဗျူဟာကျသော ဦးဆောင်မှုဖြင့် ရိုးမလုပ်ငန်းစုသည် စီးပွားရေးလုပ်ငန်း ဆန်းသစ်မှုများကို စဥ်ဆက်မပြတ်ဆောင်ရွက်ကာ မြန်မာ့စီးပွားရေး ရေရှည်ဖွံ့ဖြိုးတိုးတက်ရေးတွင် အဓိကအခန်း ကဏ္ဍမှ ပါဝင်လျက်ရှိပါသည်။